KAE Ligako bigarren multzoan dabiltzan hamar traineruek, berriz, gaur dute asteburuko estropada bakarra: Areatzako X. Bandera. Raspasek antolatuta, lau luze eta hiru ziabogako estropada izango da eta Areatzako hondartzaren paretik irtengo dira parte-hartzaileak. Lehen txandan, Raspas, Hibaika eta Colindres irtengo dira; bigarrenean, Deusto, Getxo eta Arkote; hirugarrenean; Hernani, Busturialdea, Portugalete eta Castro. Bederatzigarren proba puntuagarria izango da.