Bilboko jaietako azken pregoilariak jo eta su dihardu hauspoari eragiten. Errekaldeko bilbotarrak hitzordu bikoitza du arabarrekin aste bukaera honetan. «Hiri» azken lana aurkeztu asmoz, larunbatean Murgiako plazan arituko da, eta igandean, berriz, Legutianoko jaietan. Datorren astean Herrialde Katalanak bisitatu ondoren, larunbatean, hilak 14, Arabara itzuliko da Agurainen jotzeko. Hilabetea Gasteizen bukatuko du, irailaren 26an Printzipal Antzokian, eta hiru egun geroago, irailaren 29an, Foru plazan jotzen.