«Esclavos del franquismo en el Pirineo (La carretera Igal-Vidangoz-Roncal)» liburuaren egile Fernando Mendiolak eta Memoriaren bideak elkartea eta Geronimo de Ustariz institutuaren laguntzarekin Eguzki Bideoak-ek egindako dokumentala aurkeztuko duen Aitziber Sanchezek, parte hartuko dute gaur Hernanin solasaldi batean. Bertan, 30 minutuko filma ikusteko aukera izango da; langile batailoien antolaketa, bortxa lanak, eta horiek orduko gizartean izan zuten eragina kontatuko dute.