Gaur, arratsaldeko 19.00etan, Urretxuko Juan de Lizarazu erakustokian Martuteneko presoen pintura eta eskultura erakusketaren inaugurazio ekitaldia izango da. Mari Kruz eta Arantxa Azkue Goenaga ahizpa mojek hemeretzigarren ikasturtea dute aurtengoa Donostiako Martuteneko kartzelan presoei pintura eta ingeles ikastaroak ematen. Erakusketa honetan emaitzak ikus daitezke: presoen itzaleko lanak, margolanak eta artelanak.