Beirasar Rosalia igo berria, LEB Ligako sorpresa nagusiaren bisita izango du Bruesa GBCk gaur Illunben 20.30ean. Santiagoko taldea, egun laugarren postuan donostiarrek baino garaipen bat gutxiagorekin, aurrenekoz izango da Donostian.

Dena den, Galiziako taldearen aurka ez du ezustekorik gura Pablo Lasok, Bruesa GBCko entrenatzaileak. Aurkaria «ongi antolaturik» dagoela iritzi zion gasteiztarrak eta zortzigarren garaipena lortzeko «defentsako lan sendoa» egin beharko dutela nabarmendu zuen.