Hogeita bi taldek parte hartuko dute aurtengo emanaldian. Batzuek zuzenean kantatuko dute (musika ere zuzenekoa izango da) eta beste batzuek estilo desberdinetako dantzak eskainiko dituzte. «Umeek gogo handiz prestatu dute, eta hori eskertzekoa da», adierazi dute antolatzaileek. Orain arte bezala, sarrera doakoa izango da. Alai Batzako monitoreek Kantaldi-Jaialdira etortzeko gonbitea egin dute, kantu eta dantzekin gozatzeko aukera izango baita.