Brendan & Steve bikoteak beren gitarra bikainekin eta ahots ezin hobeekin giro beroa sortzeaz gain, euren bizitza ospetsuen inguruko pasadizo barregarriak kontatzen dituzte. The Notting Hillbillies taldean Mark Knopflerrek lagun eduki zituen bi horiek badakite nola iritsi publikoarenganaino «sustraietako» musikaz jositako errepertorio eklektiko bati esker. Steve Phillips Europak eman dituen Blues gitarra-jole onenetariko bat da eta, hortaz, munduko onenetariko bat.