Hainbat hiriren azpian, badira hiriak. Lurpekoak. Inurritegiak bezalakoak. Metropolitanoa dute izena. Erabiltzen duten gizaki eta abarrek funtzio ezberdina ematen diote. Garraiobide, eszenatoki, babesleku... bizileku. Lurrean bezala, lur azpian ere bada bizitza. Makina bat istorio gertatzen dira egunero. Makina bat gauza. Tartean antzerki obra honetan ikusi ahal izango direnak. Topagunea, geltoki bat. Hauxe da Zurriolako Antzerki Eskolako taldea Higa taldeak «Metropolitanoa» izeneko antzezlan honekin transmititu nahi duena.