Bere heriotzaren hogeigarren urteurrenean, Piarres Larzabal antzerki idazleari omenaldia egin zion atzo Azkaineko herriak, Euskal Kultur Erakundeak eta Euskaltzaleen Biltzarrak. Ixabel Etxeberria irakasleak Larzabalen antzerkigintzari buruzko testu bat irakurri zuen eta eguna Jean Bordaxar, Robert Larrandaburu, Jean Pierre Luro eta Jean-Noël Pinque zuberotarrek a cappella eskainitako emanaldiarekin amaitu zuten.