«Busturialdean Lan eta Bizi» ekimenak «Busturialdea biziberritzearen aldeko aldarrikapena» izeneko manifestua zabaldu du eskualdean. Agirian salatzen dutenez, «erakunde publikoetako arduradunek ez dituzte bete eskualde honen garapen sozio-ekonomikorako onartu zituzten legeak eta planak». Orain berriz, Foru Aldundiak 100 milioi euroko gastua egin nahi du eskualdera Guggenheim merkataritza frankizia ekartzeko. Horren aurrean, eskuorri baten bidez herritarren iritzia bildu nahi dute ekimen honetako kideek hil honetan.