Nuntxaku kultur elkarteak punk rockarekin berotuko du Bermeoko Kapilla bihar, haizeteak haizete eta elurrak elur. Gauak sua har dezan, Lobo Electrico tolosarrek plazaratu berri duen single biniloa aurkeztuko dute; Capsula bilbotar-argentinarrek, gori-gori duten «Rising mountains» eta Riojak gidatzen duen bermeotar Paniksek taldeak, «Panik piknik» berria. Laukotea Eureka Hot IV basapiztien soul rock herdoilduak itxiko du.