Andra Maria Zuriaren jaietako egitarau barruan «Los Vivancos, 7 hermanos» taldea egongo da. Principal antzokian izango dira abuztuaren 4 eta 5ean. Talde honek arte eszenikoen mundua astindu du, dantza eta musika uztartzen dituen proposamenarekin. Azkeneko ikuskizun hau beraiek sortu dute eta haiek egindako abestiekin osatuta dago. Antzoki honetan egingo duten bisitan, musika, ballet klasiko eta garaikidea eta break dance-a nahastuko dutela iragarri dute. Sarrerak uztailaren 7tik aurrera eskuratu ahal izango dira.