ANTZERKIA

Egitarau oparoa Sestaon egingo den Txotxongilo Egunerako

Txotxongilo Egunaren inaugurazio ekitaldiari Kirikiño Ikastolako Abesbatzak eskainiko duen kontzertuak emango dio hasiera gaur iluntzeko zazpietan. Emanaldiaren atzetik, Sestao asteburu osoan zehar ikuskizunez beteko duen egitarauari emango zaio hasiera, non eskaintza askotarikoa izango den. Gaur bertan, 20.00etan, El Tenderete antzerki taldeak “Urrun Erreinua” antzezlana taularatuko du Musika Eskolan. Bihar eta etzi, aurreikusitako ekitaldiek goizetik hartuko dituzte herriko kaleak eta egun osoan zehar izango da zer ikusi.