Lauaxeta poesia lehiaketan parte hartzeko lanak euskaraz baino ezingo dira aurkeztu, eta guztiek izenburu bera izango dute, «Jadetsi-eziña». Gaia, berriz, izenburuaren interpretazio libreak ezarriko du. Edonork har dezake parte eta aurkeztutako lanek, jatorrizkoak izateaz gain, 100 bertso lerro izan beharko dituzte gutxienez, eta 200 gehienez. Lanak aurkezteko epea azaroaren 23an amaituko da. Sariak, berriz, lehena 800 eurokoa eta bigarrena 500 eurokoa izango dira.