Benito Lertxundik gaur jasoko du aurtengo Agosti Xaho saria Zallan. Bizkaiko herri horretan antolaturiko kantaldia baliatuko du Agosti Xaho kultur elkarteak Orioko abeslariari saria emateko. Elkarte honek Xiberuko Zohardia kultur elkartearen laguntzaz bultzatzen duen sariketa honen helburu nagusia Iparraldearen eta Hegoalderen arteko harremanak sendotzea da. Iaz Txomin Peillenek eskuratu zuen saria eta Baionako unibertsitatean izandako ekitaldi batean eskuratu zuen garaikurra, euskaltzaina oso pozik agertu zelarik.