Herri literatura gaitzat hartuta, gaur abiatuko dira Bilbo Zaharra Forum literatura jardunaldiak, Bilboko Plaza Barrian Euskaltzaindiak duen egoitzan. 19.00etan hasita, Xabier Amuriza eta Jon Aurre koplei buruz arituko dira. Usadio zaharretan oinarrituta, zenbait ospakizunetan abesten diren eta egiteko soziala duten bertso hauen inguruan eskainiko dute solasaldia eta, ziurrenik, kanturako ere aukerarik izango da.