Santa Maria Katedraleko bisita gidatuek erakargarri berria izango dute gaurtik aurrera. Jada zaharberrituta, Kristoren Kapera jarriko dute ikusgai. XVII. mendeko kapera da eta tenpluaren erdiko nabearen alboan dago. Galarreta familiak eraiki zuen XVII. mendean eta oinplano oktogonaleko lekua da, Katedralaren iparraldeko nabearen alboan. Eraikitzerakoan, Martin Galarreta jaunak Flandriatik bidali zuen diseinua eta Pedro Ameztiko eta Juan Ansola Ibaiguren harginek gauzatu zuten, 1661etik 1663ra.