Enagas-ek, Bizkaiko kostaldearen aurrean, Bermeon kokatuta dagoen lur azpiko Gaviota gas biltegiaren %18 erosi dio Murphy Oil taldeari 19,2 milioi euroren truke, gas azpiegituren kudeatzaileak atzo Balore Merkatuaren Batzorde Nazionalari jakinarazi zionez. Joan den apirilean Enagas-ek Repsol taldeari biltegiaren %82 erosi zion 86,9 milioi euro ordainduta. Hortaz, aurrerantzean azpiegitura horren %100a izango du kontrolpean.