Bilboko Arriaga antzokiko Gelatxoak egitasmoa genero berrietara irekiko da, eta Gelatxo berri horietako lehena gaur izango da: «Kabaret». Gurutze Beitia aktoreak bere kabaret partikularra eratuko du, eta hainbat nortasun izan dituen pertsonaia baten rola beteko du. Ikuskizuna 20.00etan hasiko da, eta prezioa hamar eurokoa da. Sarrerak antzokiko leihatiletan bertan, 944 310 310 telefonoan, antzokiko webgunean eta BBK-ko kutxazainetan eskura daitezke.