17 urtetan asko dira ikus-entzuleek gogoan eta oroimen bizi-biziz gordetzen dituzten arraldetarren istorioak. Eta saio berri batean, «Goenkalez Blai» izenekoan, jasoko dituzte kontakizun horiek: Ginaren heriotza, Maria Luisaren bilobaren bahiketa eta Leonor iritsi zenekoa berreskuratuko dituzte, esate baterako. Maria Cruishank aktore gazteak aurkeztuko du astean behin izango den saioa, eta aldiro gonbidatu bat hartuko du, betiere «Goenkale»ko harrobikoa.