Toti Martinez de Lezea idazleak, Peio Ruiz Cabestany kirolariak eta Rosa Arruti Orioko ostatu-emaileak Donejakue bideko erromes bihurtzeko esperientziaren berri eman diete gaur Langraizko espetxean (Araba) preso dauden lagunei. Bizkaiko, Arabako eta Gipuzkoako hiru kartzeletara Donejakue bidea hurbiltzea da Lakuako Kultura eta Turismo sailek elkarlanean martxan jarri duten hitzaldi-sortaren helburua.