Infozazpi Irratiak programazio berria estreinatu zuen atzo, informazioa eta analisia oinarri hartuta. Goizetan magazin berria izango dute, «Hitzen Leihoa», Doltza Barandiaranek aurkeztua; «Kale gorrian» saioak ere mahai-inguruetan gonbidatu berriak izango ditu; eta hainbat saiok ordu aldaketak izango dituzte («Egunari begi-kolpea», «Jokoa Bai» eta «Sartudalapurra»). Gainera, saio berri gehiago prestatu dituzte: «Ilargi Argitan», Mari Belauntzak gidatuta, musika eta bitxikerien inguruan; «Baserritik Mundua», Patxi Gaztelumendik zuzenduta, nekazaritza iraunkorraren eta elikadura burujabetzaren berri emango duena; eta Aritz Larrañagaren surfaren inguruko albiste, erreportaje eta elkarrizketek osatutako «Uhaina Bikaina».