Gaur, bizirik balego, Gabriel Arestik 78 urte beteko zituen. Egun berezi hau gogora ekarri nahi izan du Bilbaopoesia jaialdiak, eta Bidebarrietako liburutegian «Animaliak Gabriel Arestiren poesian» ekitaldia antolatu du, 19.30erako. Francisco Javier Rojo literatur kritikariak aurkeztutako ekitaldian Ander Lipus eta Miren Gaztañaga antzezleak eta Xabi Strubell gitarra jotzailea ere arituko dira.