Getxoko Itzubaltzeta gaztetxea desagertzeko arriskuan dago. Izan ere, Gobela inguruko etxaldeetan uholde arriskuak gutxitzeko lanen aitzakiarekin, eta ibaia lauzpabost metro luzatu behar dela argudiatuz, Getxoko Udaleko EAJk eta PSEk zentro soziala botatzea adostu dute.

Horiek horrela, Erromoko gaztetxeari babesa emateko helburuarekin herri plataforma aurkeztu dute auzokide talde batek eta hainbat elkartek eta kontzertua egingo dute gaur 17.00etan Santa Eugenia plazan.