Asier Altuna zinemagilearen eta Maialen Lujanbio Bertsolari Txapelketa Nagusiko txapeldunaren talentua batuko dira bihar Bilboko Alondegian, «Bideoak Bertso Bide» izeneko saio esperimentalean. Altunak Bilbon filmatutako 30 piezak izango dituzte inspirazio-iturri Maialen Lujanbiok, Igor Elortzak eta Aitor Mendiluzek.

Hitzordua Bastida aretoan izango da, arratsaldeko zortzietan; sarrerak 8 euroan izango dira, 6 euroan, Hó txartelarekin.