«Martxoa hilabete gorria eta iraultzailea izaten ari da Euskal Herrian eta Gasteizen bereziki», adierazi dute hiri honetako M3emoria Guneko kideek. 1976ko sarraskiaren oroimenak bizirik, emakumeen borrokak bere data esanguratsuena tartean eta greba orokorraren deialdia hurbil, honen guztiaren inguruan gogoeta egin nahi dute eta horretarako film bat proposatuko dute, «Actas de Marusia». Gaur, 18.30ean da hitzordua Zaramagan (Fermin Lasuen 5, behea).