Gasteizko Artium museoak bisitaldi bereziak proposatzen ditu erakusketen komisarioen eta arduradunen eskutik. Hain zuzen ere, bisitariek horrelako bi ekitaldi dituzte eskura: bihar, osteguna, 19.00etan, Ignasi Aballik «This Is Not The End» bisita gidatuko du, eta, uztailaren 12an, ordu berean, «Picassoren `Guernica': historia, oroimena eta interpretazioak» bisita egingo da. Banakokoei zuzendutako bisitaldiok partaide kopuru mugatua dute. Parte hartzea doakoa da Zentro-Museoko sarrerarekin. Argibideak eta erreserbak: 945 20 90 20.