Bi urteko lanaren ostean Hekimen Euskal Hedabideen Elkartea aurkeztu zuten atzo. Bertan euskarazko hedabideen sektoreko 50 eragilek hartu dute parte, elkarrekin krisiari aurre egiteko eta «euskararen hiztun komunitateak behar duen eremu komunikatibo sendoa» garatzeko.

Hala, lau urtero txandakatuko duten zortzi kideko zuzendaritza eratu dute. Lehenengo lantaldean «Argia», «Berria», Euskal Irratiak, «Gazteberri», Hamaika Telebista, Xaloa Telebista, Tokikom eta GAUR 8 -GARAren larunbateko gehigarria- daude. Presidentea Tokikom elkarteko Iban Arantzabal izango da lau urte hauetan.

Aipatutakoekin batera beste hamazazpi euskal komunikazio produktuk hartzen dute parte Hekimen elkartean, horien artean ZAZPI HAIZETARA bidaia aldizkaria.