Utriusque Vasconiae argitaletxeak, bertako editore lanetan aritzen den Jokin Apalategiren «Euskal herriaren emantzipazioaz» aurkeztu berri du, Ideiak sailaren barruan. Filosofian lizentziaduna, soziologian doktore, antropologian EHUko titularra eta Psikologia Sozialean EHUko katedraduna, lan berri honetan Apalategik estatu propio baten beharra arrazoitzen du hamar puntutan. Zergatien artean aipatzen ditu, esaterako, herri (nazio) eta lurralde jakin baten mugetan mekanismo organizatu multzoarekin autoritate subiranoz jarduteko eta herri (nazio) bereko denei legezko identitate sozial bakar bat eskaintzeko. Baita egitura juridiko propio baten bidez eskaria denaren hornikuntza sostengatzeko ere.