Alain Darroze baionarrak, Carlos Sagastizabal irundarrak, eta Murgiako Ruben Gonzalezek sukalde arteko neurketa ospatuko dute ostiral honetan gaueko bederatzietan La Agricola Irungo jatetxean. Duela 200 urte jazotako San Martzial bataila odoltsua aitzakiatzat hartuta, elikagai eta sukaldaritza lehia bihurtuko dute. Hirurek menu berezi bat prestatu beharko dute, eta bakoitzaren jatetxeko ardoekin lagunduta joango da.