ZUMAIA

45 ontzakoa erlojuz kontra moztuz abiatu ziren, eta Mindegia izan zen nagusi. 56 segundotan bota zuen enborra, eta Rekondok segundu bat gehiago behar izan zuen. Jarraian 45 ontzakoa nork kolpe gutxiagotan moztu aritu ziren, eta horretan leitzarra nagusitu zen. 40 kolpetan ebaki zuen, eta bat gehiago behar izan zuen Beintza Labaiengoak. Gero 60 ontzakoa moztu zuten, eta Mindegiak 2.36n bota zuen, eta lau gehiago behar izan zituen Rekondok. Azkenik, lau enbor nork azkarrago moztu aritu ziren, eta saio guztian Mindegia aurretik izan bazen ere, azkenean Rekondo gailendu zen. 8.31 izan zen haren denbora, eta 8.44 Mindegiarena. Lan guztietako denborak batuta, 12.48 izan zen Rekondoren denbora, eta 12.57 Mindegiarena.

Atzo hasi zen, era berean, Bigaren Mailako Urrezko Harri-jasotze Txapelketa, eta lehen egunean Telleria II. eta Eizmendi nagusitu ziren. Hasteko, 100 kiloko zilindroa izan zuten. Telleriak 24 jasoaldi eman zizkion (2.400 kilo), eta Astorkiak 21 (2.100 kilo). Gero, 100 kiloko kubikoarekin aritu ziren lanean, eta horri Eizmendik 18 jasoaldi eman zizkion (1.800 kilo) eta 15 Lertxundik (1.500 kilo). Azkenik, txanda librean, 100 kiloko bolarekin aritu ziren, eta hor Telleria-Eizmendik 26 aldiz jaso zuten harria, baita Astorkia-Lertxundik ere (2.600 kilo). Azkenean, Telleria II.ak eta Eizmendik 68 jasoaldi eman zituzten (6.800 kilo), eta 62 Astorkia-Lertxundik (6.200 kilo). Txanda bakoitza bi minutukoa izan zen.

Atzo Zumaian abiatutako bi lehiaketek gaur izango dute jarraipena, Araban, Estibalitzko santutegian izango baitira aizkolariak eta harri-jasotaile gazteak (12.00). Aizkoran 23 urtez azpiko bigarren norgehiagoka jokatuko da, eta han izango dira Mugertza II.a eta Amillano, aurrez aurre aritzeko.

Bestetik, Bigarren Mailako harri-jasotzaileen lehiaketan, gaurkoan Urrutia eta Mintxeata II Urpe eta Agirreren aurka neurtuko dira. Atzo Zumaian izan zuten lana izango dute bi saioetan.