- Aurkezpena
Bederatzi talde Arabako XXXVI. Herriarteko Txapelketaren bila
GASTEIZ
Bi multzotan banatuta egongo diren bederatzi herrik hartuko dute parte asteburuan bertan hasiko den Arabako Herriarteko XXXVI. Txapelketan. A multzoan Amurrio, Maeztu, Araia, Agurain iazko zerrendako lehen, hirugarren, bosgarren eta zazpigarren sailkatuak eta Legutio sartu dituzte. B multzoan, berriz, Argantzun, Laudio, Gasteiz iazko bigarrena, laugarrena eta seigarrena eta Artziniega neurtuko dira.
Ligaxkak bost jardunaldi izango ditu maiatzeko lau asteburuak eta ekaineko aurrena eta finalerdiak (A multzoko irabazlea B multzoko bigarrenaren kontra eta alderantziz) ekaineko bigarren asteburuan jokatuko dituzte, bata Lapueblan eta bestea Oionen. Txapelketako final nagusia ekainaren 18an izango da Gasteizko Ogeta pilotalekuan Araba Euskaraz jaialdiarekin bat eginez. Zorte on!
|
