MADRIL. ­ Teresa Palacios epaileak Auzitegi Nazional espainolean gidatzen duen 3. aretoak, «España y libertad» plataformak Irantzu Gallastegi euskal preso politikoaren Iker Gallastegi osabaren aurka ezarritako helegitea onartu du. Aipatu plataformak salaketa ezarri zuen Gallastegiren aurka, Miguel Angel Blanco Ermuako PPko zinegotziaren heriotzaren inguruko bideo batean ustez esandakoagatik. «España y libertad»en esanetan «terrorismoaren goraipatzea» egin zuen Gallastegik, antza zera esan zuelako: «ETAn ez dago hiltzea gustatzen zaien horietakorik, ez dago. Haien egitekoa da, aberriaren betebeharra delako hiltzen dute». Horrela, Teresa Palacios epaileak ontzat eman du helegitea eta ikerketa ireki du Gallastegiren aurka.