BILBO. ­ Aste Nagusian izaten diren jai ekintzak aurrera eramateko erabiltzen diren hainbat leku egokituko ditu Bilboko Udalak, minusbaliatuek sartzeko modua izateko. Hainbat espazio moldatuko dituzte: haurrei zuzendutakoak (Erripako kaia), gazteei zuzendutakoak (Uribitarteko kaia), musika emanaldiek hartzen dutena (Gizakunde, Uribitarte eta Botika Zaharra), umore-antzerkiak hartzen duena (La Merced ikastetxea) eta kirol ekintzen espazioa (Itxaropeneko frontoia). Halaber, Udalak aparkaleku bereziak jarriko ditu martxan: Ribera kalean; Udaletxean, gasolindegi ondoan; J.A. Clave pasealekuan; Etxebarriako biribilgunean eta Ametzola plazan.

VI. desfilean Bilboko Baleak Mozart eta Arriaga omenduko ditu

BILBO. ­ Bilbao 700-III Millenium Fundazioak Balearen Desfilea deritzon ekimena egingo du hurrengo igandean arratsaldeko zazpietan. VI. ediziora heldu den ekimen horrek Arriagari eta Mozarti egingo die omenaldia; hurrenez hurren, haien 200. eta 250. urteurrena betetzen baita. Aurten, “La Ballena eta Musika” izenburupeko desfile horrek Els Comediants-en “Mozart Andante” ikusgarria hartuko du. Desfilea Bilboko Kale Nagusitik izango da, Plaza Biribilean hasita Bihotz Sakratuan bukatu arte. Publiko guztientzako ikusgarria da, eta musika eta hainbat antzezte-arte tartekatzen ditu.