- Vuelta al Pais Vasco -
Helburura eramaten gaituen bidean
Iñigo Chaurreau
Helburu batekin etorri ginen taldean: etapa garaipen bat. Eta atzoko eguna nahiko aproposa zen. Sei txirrindulariko ihesaldian bi sartu ditugu, baina zorte txarra izan dugu eta atzeko lanak bertan behera utzi du talde horren saioa.Ordainsari txiki bat lortu dugu, hala ere:hor aurrean ibili eta mendiko saria. Gainera, helburua ez da bete, baina helburura eramaten gaituen bidea ondo bete dugula uste dut. Pertsonalki, ondo sentitu naiz berriro, indarrekin. Illes Balearsek erritmoa markatu du egun osoan eta gustura aritu naiz, disfrutatzen. Azkenean, sailkapen nagusian aurrean daudenen borroka hasi da eta, beharbada, beraiekin azken unera arte egoteko behar den puntutxo hori falta zait oraindik. -
|
