Finalerdietarako txartela eskuetan dauka Biarritzek
·Lapurtarrak oso ongi aritu ziren defentsan, baita jaurtiketak egiten ere
BIARRITZ 29
TOLOSA 20 Biarritz: Brusque, Gobelet, Bidabe, Traille (Aramburu,
75.m), Bobo, Peyrelongue, Yachvili (J. Dupuy, 76.m), Dusautoir, Harinordoki,
Betsen (Carizza, 26.m), Olibeau, Thion, Johnston (Lecouls, 30.m), August
(Noirot, 65.m), Balan (Johnston, 65.m). Tolosa: Poitrenaud, Médard (Clerc,
58.m), Jauzion, Kunavore (Fritz, 58.m), Heymans, Dubois (Michalak, 65.m),
Elisalde, Lamboley, F. Maka, Nyanga, Millo-Chluski (Bouilhou, 74.m), Pelous
(Brennan, 12.m) Menkarska (Hasan, 41 (Menkarska 58.m), Lacombe (Bru, 41.m), Poux
(Lacombe, 72.m). Epailea: Jutge. Tolosako Elisalde egotzi zuen hamar minuturako.
Markagailua: Biarritz: Bi entsegu. Bobo (29, 50.m), bi transformazio eta bost
zigor-kolpe Yachvilik (7, 12, 22, 36, 46.m). Tolosa: Bi entsegu: Heymans (26.m),
Poitrenaud (40.m). Bi transformazio: Dubois (26.m), Elisalde (40.m), eta bi
zigor-kolpe Elisalde (5.m), Heymans (61.m). Gorabeherak: 15.000 ikusle Akizen
partida ikusten, han jokatu baitzuen Biarritzek, Agilera berritzen ari direnez,
ezin delako jende kopuru handiegia sartu.
AKIZE
Biarritzek sailkapeneko lehen postuan jarraituko du, eta Ligako finalerdiak jokatzeko txartela ia eskuetan du, atzo aurkari zuzen bat, Tolosa, mendean hartu baitzuen.Zuri-gorriek atzo ere lan bikaina egin zuten atzean, eta berriro ere garaipena lortzeko garaian zerikusi handia izan zuen. Horrez gain, jaurtiketetan lapurtarrak askoz ere hobeto ibili ziren, eta azkenean, horri guztiari esker, garaipena Biarritzek eraman zuen. Lehen zatia orekatua izan zen. Kanpotarrak bi aldiz aurreratu ziren markagailuan, baina etxekoak entsegu bat eginda, 19-17 joan ziren atseden hartzera; izan ere, kanpotarrek azkeneko jokaldian transformatutako entsegu bat egin zuten. Bigarren zatian, Biarritzek markagailua alde zuen, eta ongi menderatzen duen jokoa egin zuen. Atzean sendo aritu, eta gero kontraerasora jokatu; gauzak ezin hobeto egin zituen. Tolosa ahalegindu zen lapurtarren entseguko marrara hurbiltzen, baina ezinezkoa izan zitzaien. Gainera, kontraerasoan Bobok bigarren entsegua egin zuen, bai taldearentzat, baita berea ere, berak egin baitzituen lapurtarren bi entseguak. Gero, Yachvilik transformatu egin zuen, eta lehendik lortuta zuen beste zigor-kolpe bat gehituta, aldea handitu zuten. Tolosaren ahaleginek, berriz, behin eta berriz euskaldunen atzealdearekin egiten zuten topo, eta azkenean zigor-kolpe bat bakarrik lortu ahal izan zuen bigarren zatian. Azkenean, puntuak Biarritzek eskuratu zituen, eta oraingoz hilabete gogor hau ezin hobeto hasi du. Hala ere, apirila hasi besterik ez da egin, eta partida zail bezain garrantzitsu asko izango dituzte jokalari lapurtarrek.
|
