ERROMA. ­ Associazione Culturale Euskara elkarteak antolatuta, euskal zinemaren gaineko jardunaldiak ari dira egiten Erroman. Alex de la Iglesiaren filmak eman zituzten lehenengo egunetan Detour zinema-aretoan. Aste honetan ekitaldiak Geroa tabernan ari dira izaten. Asteartean Imanol Uriberen “La fuga de Segovia” filma eman zuten, atzo Alfonso Ungriaren “Ehun metro”, eta gaur Julio Medemen “Lucia y el sexo” ikusi ahal izango da. Bihar Juanma Bajo Ulloaren “Fragil” pelikularen txanda izango da. Joseba Maciasek amaituko du zikloa “Euskal zinea gaur” izeneko hitzaldiarekin datorren larunbatean.