Batasunak Leiako kide bat sostengatzeko deia egin du
BAIONA
Gaur goizeko hamar eta erdietan Baionako Auzitegiaren aurrean antolatua izan den elkarretaratzerako deialdia zabaldu du Batasunak. Leiako kide baten kontra Donapaleuko auzapezak ezarri salaketagatik auzipetua izango da. Kideari sostengua emateko eta Piriniogaindiko egitasmoak duen berrindartzea salatzeko Leiak antolatu duen ekimen horrek Berdeen, Abertzaleen Batasunaren eta LABen babesa ere jaso du.
Batasunak argi ikusten du egitasmo suntsitzaileen kontra indarra erakutsi behar dela, eta, bestalde, elkartasuna agertu behar dela Leia suntsitzeko erabili nahi dituzten azpikeria eta joko zikinen kontrako ekimenetan. «2x2aren aurkako borroka oraindik irabazia izan ez den unean Nafarroako Gobernuaren eta Pirinio Atlantikoetako Kontseilu Orokorraren egitasmoaren kontrako borroka indartu behar da».
|
