- Neskak, Kopa
Hamalau puntuko aldeaz irabazi behar du Getxok finala jokatu ahal izateko
DONOSTIA
Nesketan, Espainiako Kopako finalerdietako itzulerako partidak izango dira, eta tartean euskal talde bakarra ari da: Getxo. Bizkaitarrek bihar Pozuelo hartuko dute Faduran 11.30etik aurrera.
Joaneko partidan madrildarrek 31-17 irabazi zuten, eta alde hori gainditu behar dute bihar bizkaitarrek, hemendik bi astera jokatuko den finalean izan nahi baldin badute.
Partida ez da erraza izango, baina Getxoko neskak itxaropentsu daude. Horretarako zaleen babesa eskatzen dute. Neskek ez dute urtean zehar horrelako beste lehiaketarik jokatzen. Inguruko herrialdeetakoekin aritzen dira, eta Euskal Herrian oso talde gutxi daude. Askok, gainera, hamabostekoa osatzeko ere arazoak dituzte, eta askotan hamabina jokalari aritzen dira. Gero, guzti hori nabaritu egiten da horrelako lehiaketetan, baina Getxo konfiantzarekin dago.
|
