Jokatu du Arabako Txapelketak bere lehen finalaurrekoa
·Zigor Enbeitak lortu zuen finalerako txartela, eta igandean izango da finalaurrekoan
DONOSTIA
Zigor Enbeitak lortu zuen Agurainen igandean jokatu zuten Arabako Txapelketako lehen kanporaketan finalerako txartela. Laudion eta Aramaion jokatutako kanporaketatik etorritako sei bertsolariren eta iazko finaletik sartu diren beste seiren artean osatu da bi finalerdietan parte hartuko duen hamabiko zerrenda. Hamabi horietatik erdiek lortuko dute Gasteizen, Principal Antzokian, hilaren 27an jokatuko duten finalerako txartela, baina puntu kopuruaren arabera erabakiko da hori. Agurainen jokatu zuten finalerdian Felipe Zelaieta, Izar Mendiguren, Rikardo Gonzalez Durana, Manex Agirre, Zigor Enbeita eta Asier Otamendik hartu zuten parte. Igandean Dulantzin seikote hau izango da: Alberto Martinez Beitto, Andere Arriolabengoa, Ruben Sanchez, Iñaki Viñaspre, Juan Mari Juaristi eta Oihane Perea.
|
