- Areto Futbola
Hegoaldek bigarren zatian erabaki du norgehiagoka
DONOSTIA
Hegoalde denboraldi amaiera paregabea egiten ari da, eta une honetan seigarren postua lortu nahian dabil. Denboraldiko lehen itzulian larritasun batzuk pasa ostean, ongi hartu dio tamaina Ligari, eta orain bere jokorik onena erakusten ari dira.Herenegun eguerdian 3 eta 5 menderatu zuten Valladolid, neurketa estu batean. Gaztelako taldea, gainera, Hegolderen lehia berean dabil, eta gipuzkoarrek aurre hartu die orain. Lehen zatian etxeko taldea hobeto aritu zen, eta izandako aukerak aprobetxatzen ere jakin zuten. Horri esker, Valladolideko neskak 2-1 aurretik zirela joan zen atseden hartzera. Bigarren zatian, ordea, euskaldunak freskoago agertu ziren, eta horri esker partidari buelta eman eta garaipena eskuratu zuten. Barrio, Aldezabal, Delgado (1) eta Agirretxe izan ziren gol-egileak. Hauek jokatu zuten Hegoalden: Arana, Barrio, Aldezabal, Delgado eta Miriam. Gero, Ugarte, Emi, Agirretxe, Azpilikueta eta Mayo ere aritu ziren norgehiagokan zehar.
|
