- Urrezko Aizkora
Bost onenek lehiaketa berri bati egin beharko diote aurre
DONOSTIA
Urrezko Aizkorako bost aizkolari onenek, Nazabalek, Olasagastik, Arrospidek, Mindegiak eta Larretxeak, alegia, Txapeldunen Ligari ekin beharko diote bihartik aurrera.
12.30ean hasita, Armentian, Araba Euskaraz-en barruan, estreinako jardunaldia jokatuko dute, eta han izango dira Arrospide, Mindegia eta Larretxea. Proba ezberdinak egin beharko ditu aizkolari bakoitzak.
Leku berean, eta jaialdi berean, Urrezko Harri-jasotzaileen Bigarren Mailako finala ere jokatuko dute. Urrutia eta Agirre, Eizmendi eta Telleria II.aren aurka neurtuko dira. Norgehiagoka estua iragartzen da, eta adituen ustez, ez dago faborito garbitik. Plazetan gehiegi ikusten ez diren harri-jasotzaileei aukera eman nahi izan die Egur Sportek lehiaketa horren bidez.
|
