-CFA
Heldu da Genetsen lehenengo garaipena
BAIONA
Genetsek denboraldiko lehenengo garaipena lortu zuen herenegun gauean Albira egin zuen bidaian. Hori-berdeek lehen zati bikaina egin zuten, eta joko on horren ordaina atsedenera joateko hiru minutu falta zirenean heldu zen, Hecklyk aurreratu baitzituen lapurtarrak.
Bigarren zatian, etxekoak erasora atera ziren, eta estu hartu zituzten hori-berdeak. Albik partida berdintzea ere lortu zuen, eta ongien jokatzen ari zen unean, gainera. Gauzak beltz jarri ziren Cazesek zuzentzen duen taldearentzat, baina eutsi egiten zien etxekoen erasoei. Partida amaitzeko zortzi minutu falta zirenean, Albiko atzelariek penalti eginez geratu zuten Genetsen kontraerasoa, eta Hecklyk bigarren gola lortu zuen; angeluarren denboraldi honetako lehenengo garaipena segurtatu zuen.
|
