Ibarretxe Eudelekin bilduko da gaur gizartearen partaidetza sustatzeko
DONOSTIA
Gaur, Juan Jose Ibarretxe Euskadiko Udalen Elkartearen Batzorde Eragilearekin bilduko da Bilbon, Eudelekin, alegia. Bertan, euskal gizarteak balizko bake prozesuan eta normalkuntza politikoan izan behar duen partaidetza aktiboa sustatzeko egin duen proposamena aurkeztuko du Ibarretxek.Lehendakariak joan den ostiralean Parlamentuan egindako proposamena aintzat hartuz, gaur Eudelen biltzen diren udalek herri eta hirietako bizilagunen partaidetza bideratzeko mekanismoen inguruan eztabaidatuko dute.
Malgua eta irekia
Ibarretxek ostiraleko saioan adierazi zuen moduan, egitasmoak irekia eta malgua izan behar du: «Toki komunitate bakoitzaren errealitate aberatsera eta heterogeneneora egokitua eta instituzio guztien kooperazioan oinarritua», gaineratu zuen Juan Jose Ibarretxek. Gaurko bilkuran, aldiz, planteamenduaren metodologiaz, diseinuaz eta jarraipen mekanis- moez arituko dira.Eudeleko presidente den EAJko Karmelo Sainz de la Mazak «arrazoizkotzat» jo zuen lehendakariaren proposamena, eta «alkateen borondatea errespetatzen» duela adierazi zuen. Horrez gain, 2002an Eudelek lortutako akordioarekin bat egiten duela azaldu zuen. Bertan, «demokrazia, askatasuna eta giza eskubideen defentsan» lan egiteko herrietako foroak sortzeko konpromisoa hartu zutela gogorarazi zuen. Gaurko batzarrean proposamenaz mintzatu, eta 2002an abiatutako ekimenen balorazio bateratua egingo dute.
|
