- Sokatira
Beti Gaztek txapela irabazteko aukera dauka
DONOSTIA
Nafarroako Txapelketan, Beti Gaztek denboraldiko bigarren txapela irabazteko aukera ederra dauka. Bihar, 18.00etan, Elizondoko pilotalekuan jokatuko dute herrialde horretako 600 kiloko azkeneko saioa.
Lehenengoan, Beti Gaztek irabazi zuen, eta bigarrengoan ere hura aterako da faborito, orain arteko saioetan nagusi agertzen baita. Harekin batera, Amaiur A eta B, Berriozar eta Txantrea neurtuko dira. Emakumezkoetan, 480 kilotan, Sakana, Beti Gazte A eta Beti Gazte B neurtuko dira. Lehen jardunaldia izango da pisu horretan.
Launakako Euskal Herriko Txapelketan, berriz, bi saio izango dira. Bata, bihar, Ordoñanan, eta bertan, 330 kiloko taldeak neurtuko dira, 17.00etan hasita. Etzi, Oiartzunen, 11.00etan hasita, berriz, 260koak eta 340koak lehiatuko dira.
|
