DONOSTIA

Bertan honako lau gazte hauek arituko dira: Irigoien, Telleria III.a, Agirre eta Uriarte. Kirolari bakoitzak 100 kiloko zilindro zaharra eta pisu bereko kubikoa erabili beharko ditu, eta bakoitzarekin lanean aritzeko hiruna minutuko txandak izango dituzte.

AimarIrigoien da txapela janzteko faborito nagusia, eta berari ezer gertatu ezean, oso zaila izango da errezildarrak gaur txapela galtzea.

Maila nagusiko lehiaketetan, bigarren izan zen harri txikiekin eta txapeldun harri handiekin. Beraz, adinekoekin ez luke arazorik izan behar. Gaur txapela irabazita, urte bikaina beteko luke errezildarrak. 20 urte besterik ez, eta urtea bi txapela irabazita amaitzea ederra izango litzateke beretzat. Gainera, bi bigarren postu ere izango lituzke; izan ere, Gipuzkoako Txapelketan bigarren izan baitzen. Horiez gain, torneoetan ere bikain aritu da; Alegiakoan esaterako, bera izan baitzen bigarren Izeta II.aren atzetik.

Beraz, badirudi gaur Donezteben bigarren posturako izango dela emoziorik handiena. Hor beste hiru gazte joango dira, eta hirurek ere lan ona egin nahiko dute. Hirurak ere ez dira plazan gehiegi aritutako harri-jasotzaileak, eta jendearentzat nahiko ezezagunak dira, batez ere Agirre eta Uriarte bizkaitarrak. Gaur, haiek eman dezaketena ere ikusi ahal izango dute Doneztebeko pilotalekura bertaratzen diren zale guztiek.