-Sokatira
Beti Gaztek lortu du bigarren txapela ere
DONOSTIA
Beti Gaztek denboraldiko bigarren txapela lortu du. Nafarroako 600 kiloko Txapelketan berdinduta geratu zen azkeneko jardunaldian Berriozarrekin, baina sailkapen nagusian txapeldun izan dira 9,5 punturekin. Berriozarrek 8,5 lortu ditu; Amairu Bk 6; Amaiur Ak 4 eta Txantreak 2.
Nesketan 480 kiloko lehen jardunaldia jokatu dute, eta Sakanak eraman du garaipena, Beti Gazte A eta Beti Gazte B taldeen aurretik.
Launako Euskal Herrikoan, bi egunetan izan dira saioak. Mutiletan, Lehen Mailan, lehen faseko azken jardunaldia jokatuko dute 330 kilotan, eta hauek lortu dute finalerako txartela: Abadiño A, B eta C, Sokarri. Auzolan eta Gatika.
Bigarrenmailan, 340 kiloko bigarren jardunaldian ere Izaskun taldea izan da onena. Nesketan, 260 kiloko saioak jokatu ziren eta Girizia Oiartzungoa izan zen nagusi.
|
