Kutxaren Karrera Amaierako saria jasoko dute 42 ikaslek
DONOSTIA.
Kutxaren Karrera Amaierako 30. Sarietan 42 ikasle saritu dituzte, 27 neska eta 15 mutil, hain justu ere. Guztiek euren karrerako espediente akademiko onena lortu dute Gipuzkoako campuseko Fakultate, Unibertsitate Eskola eta Goi mailako Eskola Teknikoan unibertsitate-ikasketak amaitzean. Diplomarekin batera dirua ere jasoko dute.
Gipuzkoako 13.000 ikasle Berde-Berdea ekimenean
DONOSTIA.
Gipuzkoako Bigarren Hezkuntzako ikastetxeen %90ek hartu dute parte Kutxak abian jarritako Berde Berdea programan. Haren helburua ingurumenaren defentsan herrialdeko gazteen parte-hartzea eta ezagutza bultzatzea da. Kutxak adierazi duenez, 2004-2005eko ikasturtean Gipuzkoako 13.000 ikaslek har- tu zuten parte ekimen honetan.
Gela eta ordenagailu gehiago Iruñeko Gazteriaren Etxean
IRUÑEA
Iruñeko Gazteriaren Etxeak gela berri eta ordenagailu gehiago izango ditu ikasturte honetan, bukatu baitira eraikinean egiten ibili diren berritze lanak. Hala, Internetera sarbidea duten 28 ordenagailu izango dira, bai eta sukaldaritza gela ere. Halaber, kafetegia ere handitu egin dute.
|
