«Musika eta Lurra» diskoaren bigarren bidaia
DURANGO
Euskal Herria aldizkariak “Musika eta Lurra” disko-liburuaren bigarren edizioa plazaratu du.
Lan berri horrek 17 kantu, eta, era berean, 17 ibilbide gordetzen ditu. Guztiak, Benito Lertxundi, Mikel Laboa, Imanol, Txomin Artola, Amaia Zubiria, Xabier Lete eta beste hainbat euskal kantarik abestutakoak dira.
Euskal Herrian zehar bidaiatzeko diskoa dela esan dute aldizkarikoek. Testu landuen bitartez bidea zabaltzen da, eta kantuak lagun, bidaia zirraragarriari ekiten zaio.
Abestien artean, euskal kantutegian berebiziko garrantzia lortu dutenak daude; “Lau haizetara”, “Xalbadorren heriotza”, “Itsasoa laino dago”, “Bizkaia maite“ edo “Behin batean Loiolan”, kasu. Euskal kantek, itsas argia balira bezala, jarraitu beharreko bidea adierazten dute.
|
