Orange Zirkuituko hirugarren finalaren lekuko izango da gaur gauean Markinako frontoia, lehenengo Master Seriean. Finala 22.30ean hasiko den jaialdiarearen barruan sartuko da, baina aurretiaz, lehen norgehiago bat izango da, Bereikua-Pradera eta Lejardi-Goitia bikoteen indarrak neurtuko dituena.

Jarraian partida nagusiari emango zaio hasiera, zesta punta lehiez betetako hilabeteari amaiera emango diona. Bertan, Erkiaga-Lopez eta Goixerri- Arriaga izango dira nor baino nor, ligaxkako kanporaketan aurrez aurre izan ziren bi bikoteak. Partida hartan 31-35 nagusitu ziren gazteak, baina gaurkoa ezberdina izango da, aurrekoan ez baitzuten ezer izan jokoan.

Bestalde, Donibane Lohizuneko jardunaldian, Lander-Irastorza bikotea Alberdi II-Alliezen aurka arituko da gaur gauean.